کانگریس صدر ملکارجن کھڑگے نے منریگا اور دیہی مزدوروں کے روزگار معاملے پر مودی حکومت کو آج سخت تنقید کا نشانہ بنایا ہے۔ انہوں نے دیہی روزگار میں گراوٹ کی خبروں پر تلخ تبصرہ کرتے ہوئے کہا کہ بی جے پی نے صرف نوجوانوں پر ہی لاٹھیاں نہیں چلائیں، بلکہ ملک کے محنت کش مزدوروں کو بھی نقصان پہنچایا ہے۔
भाजपा ने लाठी केवल युवाओं पर नहीं, देश के हमारे मेहनतकश मज़दूरों पर भी चलाई है।
मोदी सरकार में मनरेगा ख़त्म कर के करोड़ों परिवारों से “काम का अधिकार” छीना और बदले में VB GRAM G थोपी जिसने 50% मज़दूरों का रोज़गार ख़त्म कर दिया।
क्या राज्यों को ₹17,144 करोड़ के मनरेगा का बकाया… pic.twitter.com/ryh36hewVr
— Mallikarjun Kharge (@kharge) August 10, 2026
ملکارجن کھڑگے نے پیر کو اپنے آفیشیل ’ایکس‘ ہینڈل پر جاری ایک بیان میں کہا کہ ’’مودی حکومت نے منریگا کو ختم کر کے کروڑوں خاندانوں سے ’کام کا حق‘ چھین لیا اور اس کے بدلے ’وی بی جی رام جی‘ مسلط کیا، جس نے 50 فیصد مزدوروں کا روزگار ختم کر دیا ہے۔‘‘ یہ بیان انھوں نے انگریزی روزنامہ ’دی انڈین ایکسپریس‘ میں 10 اگست کو شائع ایک رپورٹ کو بنیاد بنا کر دیا ہے۔ اس رپورٹ میں بتایا گیا ہے کہ وی بی-جی رام جی نے اپنے پہلے ہی مہینہ (جولائی) میں منریگا کے مقابلہ 50 فیصد دیہی روزگار میں گراوٹ دیکھی ہے۔
